سالام

نه اولسون کی؟تزه یازانماییرام کهنه سی کی واریم ائله بو بیری

بیر تاباغ کاغاذ وئر اؤلمه ییم گلیر !

کیم دئییردی شاعیر هئچ زامان اؤلمز؟

قولاق آس قوی دئییم زحمته دوشمه

نه ییم وار نه یازام ؟یازماغا گلمز !

من اؤلسم گور بلکه آغلامایاسان

قبریمه داش یئری قرنفیل اکدیر

باش داشی قویما یوخ !قویساندا بیرجه-

اوستونده بیر سینیق بنوشه چکدیر

                                               بنوشه تاپماسان ،بیر بوز چیچه یی

***

من اؤلسم گؤر بلکه باسدیرمایاسیز

بوشلایین داغلارا نیسگیلیم قالیب

چوخ  شئیین دالیجا گؤزوم وار هله

توتونه سیغارا نیسگیلیم قالیب!

دئییرکی :دئیه سن سنده سفه سن!؟

بیر بئله گوزل وار نیه بس سیغار ؟

دئییرم بیر دایان !بیر دایان اوغول !

نه بیلیرسن آخی،سیغاردا نه وار؟

                                                سن منی آتارسان او منی آتماز

هر نفس چکدیکجه قورتاریر عؤمور

ایچیندن چکیرم ایچیمی اوزور

من نفس آلیرام !او نفس وئریر !

بیر بئله اؤلومه ،گور نئجه دؤزور !!!؟

پاپریزی بئله جه سو مورورام کی

ائله بیل اؤپورم یار دوداغیندان

بوز قویور دئیه سن کؤز اوره ییمه

بئله بیل اؤپورم قار دوداغیندان

                                            قار دئدیم آغیلان آل گوزل اولار !

من اؤلسم قبر اوسته چاخیر پایلایین

شیر ها شیر  بوشالدین ،زیر ها زیر ایچین

او  قدر تیر چکدیم ،ایپیم قیریلدی

من اؤلسم قبر اوسته وینیستون چکین!

 من اؤلسم ده سیز ساغ قالین ها دوستلار

یئلینکادان توکولن نارین چورک،

                سای سیز

                    سوز سوز ،

                         شعیر ...

                   ساختا فایتونلارین ته یری !

           هئلله تی ده سورردیک

                   ایندی!

                         یازارلیغیمیز کیمی ،

هااای !

     هارا گئدیرم

                        باش یوخاری ؟

        هوووی!

                 ـ دالدان سسلنن وار ـ             

هششششش!

          دایان بیر! حیوان      

          دئین   ،

                     ملک لرده

                                     چورک یئیر میشلر !!!       

اونلار کی منی تانیییرلار بیرده اونلار کی تانیاجاغلار

من شاعیرلیکدن آنجاق یازماغین باشا دوشموشم دئمه لی هله شاعیر اولمامیشام .

بوندان بئله اوزوم دئین اولسا(بیلنلر بیلیر نه دئییرم )بوردا یازاجاغام .

آنجاق بورانی بونلا باشلاییرام میرزا علی اکبر صابر بابامین آدیلا :

سر هر مویده مین عاشق نالانین وار

مگر ای شوخ کی بیر جیسمیده مین جانین وار

لیلی یه قیس اولور عاشق سنه مین -مین لیلی

آختاریرسان ینه بیر عاشق عجب قانین وار

سوز بی ناله ی پروانه نی گور ای بولبول

صحن گولزاریده آنجاق سنین افغانین وار

عید اظهاده قویون کسمه بویون قربانی

عاشق زار کیمی کسمه یه قوربانین وار

هر مرض چاره سینی ائیله مک آساندی طبیب

مرض عشقه نه تدبیر نه درمانین وار؟

صابرا غرق ائدر آخیر سنی بو سیل بلا

اولما غافیل بئله کیم دیده ی گریانین وار

آتلاق پیتلاق دا اولسا منه باغیشلایین

یازیلاریزی یولوزو سوزلریزی گوزله ییرم

ساغ قالین

حمید سنده ساغ اول